23:45, 27 Qyrkúıek 2024 | GMT +6
Fýtzaldan álem chempıonaty: Qazaqstan quramasy Argentınamen kezdesedi
ASTANA. KAZINFORM — Ózbekstanda ótip jatqan fýtzaldan álem chempıonatynyń 1/8 fınaldyq oıyndary 27 qyrkúıek aıaqtaldy.
Qorytyndysynda, Frantsııalyqtar Taıland quramasyn 5:2 esebimen jeńse, Argentına quramasy Horvattardy 2:0 esebimen tize búktirdi.
Osylaısha, álem chempıonatynyń shırek fınalyna joldama alǵan komandalar tolyq anyqtaldy. Olar: Brazılııa, Ýkraına, Paragvaı, Venesýela, Morokko, Qazaqstan, Frantsııa jáne Argentına.
Shırek fınaldyq oıyndar 29-30 qyrkúıek kúnderi ótedi. Al Qazaqstan quramasy 30 qyrkúıek kúni 2016 jylǵy álem chempıony Argentınaǵa qarsy oınaıdy.
Aıta keteıik, Qazaqstan quramasy buǵan deıin sensatsııa jasap, aldyńǵy kezekti álem chempıony Portýgalııany jarys jolynan shyǵarǵan bolatyn.
