Fýtzaldan álem chempıonaty: Qazaqstan 1/8 fınalda Portýgalııamen kezdesedi

ASTANA. KAZINFORM — Búgin, 22 qyrkúıekte fýtzaldan álem chempıonaty úshinshi týry máresine jetip, pleı-off satysyna shyqqan barlyq qurama anyqtaldy.

El quramasy D tobynda Ispanııamen 1:1 esebimen teń oınasa, odan keıin Lıvııany 4:1, Jańa Zelandııany 10:0 esebimen tize búktirdi. Nátıjesinde óz tobynda Ispanııany alǵa jiberip, ekinshi oryn aldy.

Qazaqstandyq fýtzalshylar 1/8 fınalda 26 qyrkúıekte Portýgalııamen sheberlik baıqasady. Eki qurama buǵan deıin eki márte kezdesip, barlyǵynda portýgaldyqtar jeńiske jetti.

Aldymen 2000 jyly álem chempıonaty birinshi kezeńinde atalǵan qarsylasqa 2:6 esebimen ese jiberdi. Al 2021 jyly jartylaı fınalda el quramasy olarmen negizgi jáne qosymsha kezeńde 2:2 esebimen teń túsip, penaltıden 4:5 esebimen jeńilip qalǵan edi.

Sondaı-aq pleı-off satysynda Nıderland pen Ýkraına, Marokko men Iran, Brazılııa men Kosta-Rıka, Ispanııa men Venesýela, Paragvaı men Aýǵanstan, Taıland pen Frantsııa, Argentına men Horvatııa kezdesedi.