Fýtzaldan álem chempıonaty: Brazılııa quramasy Kýbany iri eseppen jeńdi

ASTANA. KAZINFORM - Búgin, 14 qyrkúıekte fýtzaldan álem chempıonatynyń alǵashqy oıyn kúni ótti.

V tobynda synǵa túsip jatqan Brazılııa birinshi kezdesýinde Kýbany 10:0 esebimen tas-talqan etip jeńdi. 

Brazılııalyq fýtzalshylar qazirge deıin 1989, 1992, 1996, 2008, 2012 jyldarda bes márte chempıon atanǵan edi. Endi jıyrma jyldan keıin sol jetistigin taǵy bir márte qaıtalaýǵa tyrysady.

Atalǵan toptaǵy taǵy bir kezdesýde Horvatııa quramasy Taılandqa 1:2 esebimen jol berip qoıdy. 

Al A tobynda Paragvaı quramasy Kosta-Rıkany 5:2 esebimen tize búktirse, Ózbekstan men Nıderland 3:3 esebine qanaǵat bildirdi.

Endi 15 qyrkúıekte S tobynda Aýǵanstan - Angola, Argentına - Ýkraına, D tobynda Jańa Zelandııa - Lıvııa, Ispanııa - Qazaqstan oıyndary bolady.

Sondaı-aq, 16 qyrkúıekte E tobynda Portýgalııa - Panama, Tájikstan - Marokko, F tobynda Iran - Venesýela, Gvatemala - Frantsııa sheberlik baıqasady.