Fýtzaldan ÁCh irikteý: Qazaqstan Ázerbaıjannan basym tústi
Qazaqstan quramasy fýtzaldan 2024 jylǵy álem chempıonaty elıtalyq irikteý kezeńindegi úshinshi oıynyn Ázerbaıjanǵa qarsy ótkizdi, dep habarlaıdy QazAqparat tilshisi.
El quramasy A tobynda synǵa túsip jatyr. Qarsylastary – Rýmynııa, Ázerbaıjan jáne Nıderland.
Búgingi kezdesýde qazaqstandyq fýtzalshylar alǵashqy mınýtta jınaqy qımyl kórsetti.
QR quramasy sapynan Birjan Orazov 23, Dýglas Jýnıor 27, Dáýren Tursaǵulov 36, Leo 39-mınýtta mergendik tanytty. Oǵan ázerbaıjan sportshylarynan Hadı Ahmadı 12, Maneka 40-mınýtta eki golmen jaýap qaıyra aldy.
Osylaısha Qazaqstan qarsylasynan 4:2 esebimen basym tústi.
El quramasy budan buryn Rýmynııany 4:3, Nıderlandty 2:0 esebimen jeńgen edi.
Aıta ketsek, ekinshi irikteý satysynda qazaqstandyq fýtzalshylar Chernogorııa (7:0, 5:1) men Slovenııany (2:0, 3:3) artta qaldyryp, óz tobynda birinshi oryn aldy. Toǵyz upaımen kósh bastap tur.
