Fýtzaldan ÁCh: Qazaqstan Solomon araldaryn aıqyn basymdyqpen jeńip, pleı-off kezeńine ótti
ASTANA. QazAqparat - Kolýmbııada ótip jatqan fýtzaldan álem chempıonatynda Qazaqstan quramasy E tobyndaǵy sońǵy oıynynda Solomon araldaryn 10:0 esebimen tas-talqan etip utyp, pleı-off kezeńine joldama aldy.
Qazaqstan quramasy sapynan Arnold Knaýb (9-ynshy jáne 22-mınýttar), Dýglas (16-ynshy jáne 29-mınýttar) jáne Pavel Taký (28-29-mınýttar) dýbl avtory atandy. Aleksandr Dovgan (4-mınýt), Leo (18-mınýt), Ilıa Mýn (29-mınýt) jáne Nıkolaı Pengrın (38-mınýt) bir-bir goldan saldy, dep jazady Sports.kz.
Qazaqstan quramasynyń quramy: Igıta, Leo, Pershın, Dovgan, Dýglas - Gýrov, Knaýb, Nýrgojın, Grebonos, Pengrın, Súleımenov, Esenamanov, Taký, Mýn.
