Fýtzaldan ÁCh: Qazaqstan quramasy elıtalyq irikteý kezeńin jeńispen bastady

Qazaqstan quramasy fýtzaldan 2024 jylǵy álem chempıonaty elıtalyq irikteý kezeńindegi alǵashqy oıynyn ótkizdi, dep habarlaıdy QazAqparat tilshisi.

El quramasy A tobynda synǵa túsedi. Qarsylastary – Rýmynııa, Ázerbaıjan jáne Nıderland quramalary.

Alǵashqy kezdesýinde qazaqstandyqtar Nıderlandqa qarsy oınady.

Oıyn barysynda qazaqstandyq fýtzal sheberleri tizgindi óz qolyna ustaýǵa tyrysty. Alǵashqy kezeńde kóptegen shabýyl uıymdastyrdy. Nátıjesinde 2-mınýtta Edson Gomesh Qazaqstan quramasyn alǵa shyǵardy.

Ekinshi kezeńde el quramasynan Dáýren Tursaǵulov 27-mınýtta esepti ulǵaıta tústi.

Osylaısha Qazaqstan quramasy qarsylasynan 2:0 esebimen basym tústi.

Sondaı-aq 15 qyrkúıekte Rýmynııa óz alańynda Ázerbaıjannan 3:1 esebimen basym tústi.

Aıta ketsek, ekinshi irikteý satysynda qazaqstandyq fýtzalshylar Chernogorııa (7:0, 5:1) men Slovenııany (2:0, 3:3) artta qaldyryp, óz tobynda birinshi oryn aldy.

Endi el quramasy 20 qyrkúıekte óz alańynda Rýmynııany qabyldasa, 6 qazanda syrt alańda Ázerbaıjanmen sheberlik baıqasady.