Fýtzaldan 2026 jylǵy Eýropa chempıonatynyń fınaldyq kezeńin ótkizýge ózgerister engizildi
ASTANA. KAZINFORM - Fýtzaldan 2026 jylǵy Eýropa chempıonatynyń fınaldyq kezeńin ótkizý formatyna resmı ózgerister engizildi.
Qazaqstan fýtbol federatsııasynyń habarlaýynsha, bul jóninde UEFA atqarýshy komıteti arnaıy sheshim qabyldady.
Buǵan deıin týrnırdi birlesip qabyldaıtyny belgili bolǵan Latvııa men Lıtva óz mártebesin saqtap qaldy. Al Slovenııa úshinshi qabyldaýshy el retinde bekitildi.
Qatysýshy elder men ınfraqurylymdyq múmkindikti jan-jaqty saraptaǵannan keıin atqarýshy komıtet Slovenııany tańdady. Lıýblıana qalasy 2018 jylǵy týrnırdi joǵary deńgeıde ótkizgen edi. Mol tájirıbesi jáne zamanaýı ınfraqurylymymen erekshelendi. Sondaı-aq Slovenııa fýtbol qaýymdastyǵy jobany tolyq qoldaıtynyn bildirdi.
Jańa format boıynsha A tobynyń matchtary men bir shırek fınal Rıgada (Latvııa) ótedi. B toby men bir shırek fınal Kaýnasta (Lıtva) bolady. Qurlyqtyq dodada Slovenııa 18 oıyndy qabyldaıdy. C jáne D toptarynyń matchtary, eki shırek, jartylaı fınal, úshinshi oryn úshin kezedsý men fınal «Arena Stojıtse» alańynda bolady. Oǵan qosa úshinshi týrdaǵy eki toptyq oıyn «Tıvolı Arena» kesheninde qatarynan ótkiziledi.
Qazaqstan ulttyq quramasy irikteý kezeńiniń pleı-offyna qatysady. Ótpeli oıyndarynyń jerebesi 3 shilde kúni ótedi. Pleı-off oıyndary 15-24 qyrkúıekke josparlanǵan.