Fýtzaldan 2022 jylǵy álem chempıonaty: Qazaqstan quramasynyń qarsylastary anyqtaldy
NUR-SULTAN. QazAqparat - Fýtzaldan Qazaqstan quramasynyń 2022 jylǵy Eýropa chempıonaty irikteý kezeńindegi qarsylastary anyqtaldy, dep habarlaıdy QazAqparat tilshisi UEFA saıtyna silteme jasap.
Shveıtsarııanyń Non qalasynda ótken jerebede quramalar tórt-tórtten segiz topqa bólindi. Árbir toptaǵy quramalar bir-birimen óz alańynda jáne syrtta eki oıyn ótkizedi.
Qazaqstan besinshi topqa tústi. Qarsylastary Belarýs, Vengrııa jáne Izraıl-Kıpr jubynyń jeńimpazy bolady. Toptyq kezeń oıyndary 2020 jyldyń qarashasy men 2021 jyldyń sáýir aılarynda ótkiziledi.
Árbir toptyń jeńimpazy men úzdik nátıjege jetken ekinshi oryndaǵy alty qurama fınaldyq kezeńge tikeleı joldama alady. Al ekinshi oryndaǵy tómen nátıje kórsetken eki qurama 2021 jyldyń 14 jáne 17 qarasha kúnderi taǵy bir joldamaǵa talasady.
Fınaldyq týrnır 2022 jyldyń 9 qańtary men 3 aqpany aralyǵynda Nıderlandy elinde ótkiziledi.
Esterińizge sala ketelik, fýtzaldan 2020 jylǵy álem chempıonatynyń fınaldyq kezeńi keıinge shegerildi.
