Fýtzaldan 2020 jylǵy álem chempıonaty keıinge shegerildi
NUR-SULTAN. QazAqparat - Fýtzaldan bıyl Lıtvada ótýi josparlanǵan álem chempıonaty 2021 jylǵa shegerildi. FIFA keńesi koronavırýs ınfektsııasy taralýynyń aldyn alý maqsatynda osyndaı sheshim qabyldady, dep habarlaıdy QazAqparat tilshisi atalǵan uıymnyń saıtyna silteme jasap.
Álem chempıonaty endi 2021 jyldyń 12 qyrkúıegi men 3 qazany aralyǵynda ótkiziletin bolyp sheshildi. Negizinde ony bıyl 12 qyrkúıek pen 4 qazan aralyǵynda ótkizý josparlanǵan bolatyn.
Esterińizge sala ketelik, dúbirli dodada Qazaqstan quramasy da baq synaıdy. Onda barlyǵy 24 qurama synǵa túsedi.
Qazaqstandyq fýtzalshylar buǵan deıin álem chempıonaty fınal kezeńinde 2000 jáne 2016 jyldarda baq synady. 2016 jyly 1/8 fınalǵa deıin jetti.
