Fýtzaldan 2010 jylǵy Qazaqstan kýbogy úshin jarys bastalady
ASTANA. Qyrkúıektiń 22-si. QazAqparat /Ernur Aqanbaı/ - Qyrkúıektiń 24-de fýtzaldan 2010 jylǵy Qazaqstan kýbogy úshin jarys bastalady. Bul jarysqa «Ońtústik» jáne «Soltústik» dep atalatyn eki topqa bólingen 10 komanda qatysady.
Ár toptaǵy komandalar aınalma týrnır ótkizedi, onyń nátıjesi boıynsha árbir toptan úzdik shyqqan eki komanda tórteýdiń fınalyna shyǵady. Aldyn-ala kezeńniń matchtaryn «Ońtústik» tobyndaǵylar qyrkúıektiń 24-i men 29-y aralyǵynda Almatyda, al «Soltústik» tobyndaǵylar qazannyń 2-si men 4-i aralyǵynda Ekibastuzda ótkizedi. Tórteýdiń fınaly dástúr boıynsha aǵymdaǵy jyldyń jeltoqsan aıynda bolady.
«Ońtústik» tobynda - Almatynyń «Qaırat», «SKA» jáne «Ipoteka», Astananyń «Ushqyn», Aqtaýdyń «Aqtaý» jáne Qapshaǵaıdyń «Qapshaǵaı», al «Soltústik» tobynda - Qaraǵandynyń «Tulpar», Ekibastuzdyń «Bogatyr», Aqsýdyń «Aqsý» jáne Rýdnyıdyń «Aıat» komandalary óner kórsetedi.
