Fýtzaldan 19 jasqa deıingiler arasynda 2027 jylǵy Eýropa chempıonaty Qazaqstanda ótedi
ASTANA. KAZINFORM - Fýtzaldan 19 jasqa deıingiler arasynda Eýropa chempıonaty 2027 jyly Qazaqstanda ótedi.
Bul sheshim Albanııa astanasy Tıranada ótken ÝEFA Atqarýshy komıtetiniń jıynynda qabyldandy. Onda birqatar halyqaralyq jáne klýbtyq týrnırlerdiń sheshýshi oıyndaryn qabyldaıtyn qalalar anyqtaldy.
Olardyń arasynda Qazaqstan fýtbol federatsııasy men Qazaqstan fýtzal qaýymdastyǵy bergen19 jasqa deıingi fýtzalshylar arasyndaǵy Eýropa chempıonatynyń fınaldyq kezeńin elimizde ótkizý týraly ótinimi maquldandy.
Osy sheshimge sáıkes, Qazaqstan jasóspirimder quramasy qabyldaýshy el retinde avtomatty túrde fınaldyq kezeńge joldama alady. Jarysqa barlyǵy segiz qurama qatysady.
Aıta ketsek, bul týrnır alǵash ret 2019 jyly uıymdastyrylǵan. Qazir atalǵan jas sanatynda Portýgalııa Eýropa chempıony ataǵyn ıelenip otyr. Al 2019 jáne 2022 jyldary Ispanııa eki márte top jarǵan edi.
Alǵashqy kezdesý 18 qyrkúıekte syrt alańda Fazano qalasynda ótse, 23 qyrkúıekte qarymta kezdesý Astanada bolady.
Eske salsaq, fýtzaldan Qazaqstan quramasy qyrkúıek aıynda 2026 jylǵy Eýropa chempıonatyna irikteý kezeńiniń pleı-off satysynda Italııamen eki oıyn ótkizedi.
Alǵashqy kezdesý 18 qyrkúıekte syrt alańda Fazano qalasynda ótse, 23 qyrkúıekte qarymta kezdesý Astanada bolady.