Fýtzal: Úshinshi týrdan keıin «Tulpar» kósh bastady
ASTANA. Qańtardyń 13-i. QazAqparat /Ernur Aqanbaı/ - Qaraǵandyda fýtzaldan 2009/2010 jylǵy Qazaqstannyń ashyq chempıonatynyń úshinshi týry aıaqtaldy.
Onyń qorytyndysy boıynsha Qaraǵandynyń «Tulpar» komandasy kósh bastady, dep habarlaıdy QazAqparat.
Qazaqstan Fýtbol federatsııasynyń málimetinshe, «Tulpardan» bólek Almatynyń «Qaırat», Astananyń «Ushqyn-Iskra», sondaı-aq Bishkektiń «Ádilet» jáne «AÝB» komandalary ózara synǵa túsken. Ekinshi týrdan keıin 8 oıynda 19 upaı jınaǵan «Qaırat» úshinshi týrda «Tulparǵa» tizgindi berip qoıdy. «Tulpar» bolsa bul týrda «Qaıratty» 4:3, «Ushqyndy» 7:2, «Ádiletti» 7:4, «AÝB-ty» 9:3 esebimen jeńdi. Osylaısha, olar 12 oıynda 31 upaı jınap, kósh bastady. Ekinshi orynda 28 upaımen «Qaırat» keledi. Odan keıingi satylarda «Ushqyn», «Ádilet» jáne «AÝB» tur.
