Fýtzal: ulttyq qurama Ázerbaıjanmen ótetin oıyndarǵa daıyndyǵyn bastady
ASTANA. KAZINFORM – Elimizdiń fýtzaldan ulttyq qurama komandasy Aqtaý qalasynda 13 jáne 15 sáýir kúnderi eki joldastyq match ótkizedi.
Bizdiń jigitter FIFA kúntizbesine sáıkes 5-15 sáýir aralyǵynda oqý-jattyǵý jıynyn ótkizedi. Kakaý bastaǵan otandastarymyz oqý-jattyǵý jıyny aıasynda Aqtaý qalasynda Ázerbaıjan quramasymen 13 jáne 15 sáýir kúnderi eki joldastyq match ótkizedi.
Qazaqstan quramasynyń tizimi
Qaqpashylar: Leo Igıta, Narýn Serikov («Aqtóbe»), Dáýlet Zatybekov («Tulpar»);
Alańdaǵy oıynshylar: Edson, Birjan Orazov (ekeýi – «Qaırat»), Arnold Knaýb, Ábdirasýl Ábdimanapuly, Erjan Karmenov (ekeýi – «Semeı»), Azat Valıýllın («Aıat»), Jahangır Rashıt («Atyraý»), Aqjol Dáribaı («Tulpar»), Nursultan Tańatuly, Damır Qaıyrbaı (ekeýi – «Kaspıı»), Albert Aqbalyqov («Aqtóbe»), Aqedil Madııarov («Baıterek»), Aleksandr Derıabın («Tıýmen», Reseı).
Qazaqstan chempıonatynyń 38-týryndaǵy «Aqtóbege» qarsy oıynda «Qaırattyń» oıynshysy Dáýren Tursaǵulov jaraqat aldy. Medıtsınalyq tekserý nátıjesinen keıin, Dáýrenniń aldaǵy oıyndarǵa qatysa almaıtyny anyqtaldy.
Ulttyq quramanyń jattyqtyrýshylar shtaby jaraqat alǵan shabýylshynyń ornyna «Kaspıı» klýbynyń oıynshysy Nursultan Tańatulyn shaqyrý týraly sheshim qabyldady.
Aıta ketsek, budan buryn Rıkardo Kamara Sobral (Kakaý) fýtzaldan Qazaqstan ulttyq quramasynyń jańa bas bapkeri bolyp taǵaıyndaldy.
