Fýtzal: ÝEFA Chempıondar lıgasynyń fınaly Almatyda ótedi
ASTANA. QazAqparat - 2019 jylǵy ÝEFA Chempıondar Lıgasynyń fınaldyq kezeńin «Almaty Arena» sport kesheni qabyldaıdy, dep habarlaıdy QazAqparat tilshisi Qazaqstan fýtbol federatsııasyna silteme jasap.
Chempıondar Lıgasynyń fınaldyq kezeńin Almatyda ótkizý sheshimi dúısenbi kúni ótken ÝEFA Atqarý komıtetiniń otyrysynda qabyldandy.
Fınalda almatylyq «Qaırat», «Barselona» (Ispanııa), «Inter» (Ispanııa) jáne «Sportıng» (Portýgalııa) komandalary kezdesedi.
Aıta keteıik, «Almaty Arena» sport kesheni týrnırdiń fınaldyq kezeńin 2017 jyly da qabyldaǵan edi. «Qaırat» Chempıondar lıgasynyń fınaldyq kezeńin qabyldap otyrǵan alǵashqy komanda bolyp otyr. Fınaldyq kezeń oıyndary 2019 jyldyń 25-29 sáýir aralyǵynda ótkiziledi.
Búgingi kúnge deıin Ispanııa klýbtary 9, reseılikter 3, portýgal, belgııalyqtar men ıtalıandar bir-bir márteden chempıon atanǵan. Esterińizge sala ketelik, almatylyq klýb 2012/2013, 2014/2015 jyldarda atalmysh týrnırdiń jeńimpazy atandy. «Qaırat» komandasy 2008/2009, 2010/2011, 2016/2017 jyldardaǵy dop dodasynda úshinshi oryn alǵan. «Qaırat» ÝEFA Chempıondar lıgasynyń fınaldyq kezeńine segizinshi márte shyǵyp otyr.
«Qaırat» ekinshi kezeńinen bastady. Onda Portýgalııanyń «Sportıngin» 2:1, Belarýstiń «Lıdselmashyn» 6:0, Kosovonyń «Fenıksin» 7:3 esebimen jeńip, jarystyń elıtalyq kezeńine joldama alǵan edi. Bul joly «Qaırat» D tobynda Italııanyń «Akva ı Salonesin» 4:1, Chehııanyń «Hrýdımin» 4:2, Belarýstiń «Lıdselmashyn»7:2 esebimen tize búktirip, fınaldyq kezeńge joldama aldy.
Budan buryn qazaqstandyq klýbtar Chempıondar lıgasynda synǵa túsip jatqany habarlandy.
