Fýtzal: Stýdentter lıgasynyń jeńimpazy 3 mln teńge utyp aldy
ASTANA. QazAqparat - Almaty Arena muz saraıynda fýtzaldan stýdentter lıgasynyń fınaldyq kezeniniń oıyndary aıaqtaldy, dep habarlaıdy aqparattyq jáne sporttyq HAB.
Qarashanyń 11-i men 19-y aralyǵynda ótken teńbil dop dodasynyń jeńimpazy bolyp Kaspıı ýnıversıtetiniń stýdentteri atandy. Olar fınaldyq oıynda Qaraǵandylyq ekonomıka ýnıversıetiniń oıynshylaryn 6:4 esebimen utyp, 3 mln teńge syıaqyǵa qol jetkizdi, al soltústikten kelgen qonaqtar 500 myń teńgege ıe bolsa, úshinshi oryn alǵan IT halyqaralyq ýnıversıteti 300 myń. teńgemen marapattaldy. Olar ETÝ stýdentterimen negizgi ýaqytta 1:1 oınap, matchdan keıingi penaltıde 3:1 esebimen jeńdi.
«Biz osy jeńisti uzaq kúttik, - deıdi Kaspıı ýnıversıtetiniń oıynshysy Almaz Dildábekov. Barlyq qarsylastarymyz qıyn boldy, biraq baǵymyzǵa oraı jeńis bizge buıyrdy. Óte qýanyshtymyz. Dál osyndaı deńgeıdegi jarys bizge jetispegen edi. Uıymdastyrýshylarǵa kóp rahmet. Osyndaı úlken arenada óner kórsetý biz úshin maqtanysh. Aldaǵy ýaqytta álem chempıonatynyń fınalynda shyǵamyz dep úmittenemin», - dep qorytyndylady ol.
Jeńimpazdar men júldegerler aqshalaı syılyqtan basqa dıplom, medal jáne kýboktarmen marapattaldy. Olardy quttyqtaýǵa Almaty qalasynyń dene shynyqtyrý jáne sport basqarmasynyń basshysy Ábil Dóńbaev, QR stýdenttik sport federatsııasynyń prezıdenti Qaırat Zakırıanov, fýtzaldan USL prezıdenti Damır Shynybekovta keldi.
