Fýtzal: Qazaqstan syrt alańda Belarýsten basym tústi
NUR-SULTAN. QazAqparat - Fýtzaldan Qazaqstan quramasynyń 2022 jylǵy Eýropa chempıonaty toptyq irikteý kezeńinde búgin, 8 naýryzda cyrt alańda Belarýspen kezdesti, dep habarlaıdy QazAqparat tilshisi.
Esterińizge sala ketelik, qazaqstandyq fýtzalshylar besinshi topqa tústi. Qarsylastary - Vengrııa, Belarýs jáne Izraıl quramalary.
Qazaqstandyq qurama búginge deıin óz alańynda Vengrııadan 5:0, Belarýsten 5:2 esebimen basym tústi.
Al 28 qańtarǵa belgilengen Izraılmen syrt alańdaǵy oıyn sol eldegi koronavırýske qarsy sharalarǵa baılanysty ótkizilmeı qaldy. Endi qos quramanyń eki oıyny da elordada «Jekpe-Jek» stadıonynda bolady. Ol 9 jáne 11 sáýir kúnderine belgilengen.
Búgingi kezdesýde qazaqstandyq fýtzalshylar tizgindi óz qolyna alýǵa tyrysty. Nátıjesinde birinshi kezeńde qazaqstandyq Dáýren Nurǵojın 6, Dáýren Nurǵojın 16-mınýttarda mergendik tanytty.
Ekinshi kezeńde qazaqstandyq qurama basymdyǵyn arttyrdy. Oıynnyń 22-mınýtta Taınan esepti ústemeleı tústi. Degenmen 23-mınýtta belarýstik Anton Matvıenko múmkindikti múlt jibergen joq. Sodan keıin Dýglas Jýnıor 28, Leo 32, Dáýren Tursaǵulov 36-mınýttarda gol soǵyp ketti. Osylaısha Qazaqstan quramasy qarsylasyn 6:1 esebimen tize búktirdi.
Endi Qazaqstan quramasy 6 sáýirde syrt alańda Vengrııamen kezdesedi.
Aıta ketelik, qazaqstandyq fýtzalshylar budan buryn Eýropa chempıonaty fınaldyq kezeńinde eki márte baq synady. 2016, 2018 jyldarda qola júlde aldy. Eýropa chempıonatynyń fınaldyq satysy 2022 jyldyń 19 qańtar jáne 6 aqpan aralyǵynda Nıderlandynyń Amsterdam jáne Gronıngen qalalarynda ótkiziledi.
