Fýtzal: Qazaqstan Nıderland quramasyn jeńip, álem chempıonatyna joldama aldy
Qazaqstan quramasy fýtzaldan Ózbekstanda ótetin álem chempıonatyna joldama aldy, dep habarlaıdy Kazinform.
Jaqsylyq Úshkempirov atyndaǵy jekpe-jek saraıynda ótken oıynda Igıta bastaǵan fýtzalshylar Nıderland quramasyn 2:0 esebimen jeńdi.
Kezdesýdiń 1 mınýtynda Birjan Orazov komandasyn alǵa shyǵarsa, 7 mınýtta Dýglas Djýnıor esepti eseleı tústi. Oıynnyń ekinshi bóliginde gol soǵylǵan joq.
Aıta keteıik, Qazaqstan ulttyq quramasy 20 jeltoqsan kúni Ózbekstanda ótetin álem chempıonatynyń irikteý kezeńindegi sońǵy oıynyn Rýmynııaǵa qarsy ótkizedi.
Eske salaıyq, buǵan deıin Memleket basshysy fýtzaldan Qazaqstan men Nıderland arasyndaǵy oıyndy tamashalaýǵa kelgenin habarlaǵan edik. Prezıdentpen birge Ulttyq quramaǵa belgili tulǵalar qoldaý bildirdi.
