Fýtzal: Qazaqstan quramasynyń shırek fınaldaǵy qarsylasy anyqtaldy
NUR-SULTAN. QazAqparat - Fýtzaldan Qazaqstan quramasy Eýropa chempıonaty shırek fınaldaǵy qarsylasy anyqtaldy, dep habarlaıdy QazAqparat tilshisi.
Aıta ketsek, qurlyqtyq dodada A jáne V tobynda úshinshi týr oıyndary ótkizildi. Nátıjesinde shırek fınalǵa shyqqan quramalar anyqtaldy.
Qazaqstandyq fýtzalshylar V tobynda 7 upaımen birinshi oryn aldy.
Toptyq kezeńde qazaqstandyq fýtzalshylar Slovenııamen 4:4 esebimen teń tússe, odan keıin Fınlıandııany 6:2, Italııany 4:1 esebimen esebimen tize búktirdi.
Ekinshi oryn 4 upaı enshilegen Fınlıandııaǵa buıyrdy.
Al A tobynda búgin Porgýgalııa Ýkraınany 1:0 esebimen jeńse, Serbııa Nıderlandydan 3:2 esebimen basym tústi. Shırek fınalǵa Portýgalııa men Ýkraına shyqty.
Endi 31 qańtarda shırek fınalda Qazaqstan men Ýkraına, Portýgalııa men Fınlıandııa kezdesedi.
Sondaı-aq, 29 qańtarda S jáne D toptarynda oıyn ótkiziledi.
Eske salsaq, Qazaqstan quramasy buǵan deıin Eýropa chempıonaty fınaldyq satysynda eki márte synǵa tústi. 2016 jyly - 3, 2018 jyly 4-oryn aldy.
