Fýtzal: Qazaqstan quramasynyń qarsylastary tolyq anyqtaldy
ASTANA. QazAqparat - Fýtzaldan Qazaqstan quramasy 2020 jylǵy álem chempıonaty negizgi kezeńi besinshi tobyndaǵy quramalar túgeldeı anyqtaldy, dep habarlaıdy QazAqparat tilshisi.
2018 jyldyń 12 jeltoqsanynda fýtzaldan 2020 jylǵy álem chempıonaty alǵashqy jáne negizgi irikteý kezeńderiniń jerebesi tartylǵan edi. Onda Qazaqstan men Rýmvnııa quramalary besinshi topqa tústi. Qalǵan eki qurama alǵashqy irikteý kezeńinen keıin anyqtalatyn edi.
2019 jyldyń 29 qańtar-3 aqpan kúnderi alǵashqy irikteý kezeńderi oıyndary ótti. Óz tobynda jeńimpaz atanǵan Gollandııa men Albanııa quramalary besinshi topty tolyqtyrdy.
Atalmysh top oıyndary 2019 jyldyń 22-27 qazan kúnderi Rýmynııada ótkiziledi.
Qazaqstan buǵan deıin Álem chempıonatynyń fınaldyq kezeńine eki márte shyqqan bolatyn. Alǵash 2000 jyly Gvatemalada ótken básekede A tobynda Brazılııadan 1:12, Gvatemaladan 5:6, Porýtalııadan 2:6 esebimen jeńildi. Osynyń nátıjesinde óz tobynda tórtinshi oryn aldy. Al 2016 jyly Kolýmbııada ótken alamanda E tobynda ekinshi oryn ıelendi. Aldymen Argentınadan 0:1 esebimen jeńilgenimen, odan keıin Kosta-Rıkany 3:1, Solomon araldaryn 10:0 esebimen jeńdi. Jarystyń 1/8 fınaldyq satysynda Ispanııadan 2:5 esebimen jeńilip qaldy.
Álem chempıonatynyń fınaldyq kezeńi 2020 jyldyń 13 qyrkúıegi men 4 qazany aralyǵynda Lıtvada ótkiziledi.
Qazaqstan quramasy 1 jáne 2 aqpan kúnderi Horvatııa quramasymen Almatyda eki joldastyq kezdesý ótkizdi. Bizdiń jigitter alǵashqy oıynda 2:1 eebimen basym tússe, odan keıin 0:0 esebimen teń oınady.
