Fýtzal: Qazaqstan quramasynyń aldaǵy qarsylasy jeńiske jetti

ASTANA. QazAqparat – Fýtzaldan Qazaqstan quramasynyń qatysýymen ótip jatqan álem chempıonatynyń 2-irikteý satysy 5-tobyndaǵy taǵy bir oıynnyń nátıjesi belgili boldy, dep habarlaıdy QazAqparat tilshisi.

Atalǵan toptaǵy Slovenııa syrt alańda Chernogorııany 4:1 esebimen súrindirdi. Osylaısha, slovenııalyq fýtzalshylar 6 upaı jınap, 2-orynǵa jaıǵasty.

Endi olar 8 naýryzda óz alańynda Qazaqstan quramasyn qabyldaıdy. 2022 jyldyń 8 qazanynda elimizde ótken alǵashqy kezdesýde qazaqstandyqtar 2:0 esebimen jeńiske jetken bolatyn.

El quramasy 5-topta 3 oıynnan keıin 9 upaımen kósh bastap keledi. Qazirge deıin qazaqstandyq fýtzalshylar Chernogorııany 7:0, 5:1 esebimen tize búktirgen edi.

Endi el quramasy Slovenııamen kezdesýde kem degende teń túsken jaǵdaıda elıtalyq satyǵa joldama alady.

Fýtzaldan Qazaqstan quramasy álem chempıonatynyń elıtalyq satysynda 2000, 2016, 2021 jyldarda synǵa tústi. Olar 2021 jyly 4-orynǵa taban tiredi.