Fýtzal: Qazaqstan quramasy Vengrııamen kezdesedi
NUR-SULTAN. QazAqparat - Fýtzaldan Qazaqstan quramasynyń 2022 jylǵy Eýropa chempıonaty toptyq irikteý kezeńinde búgin, 6 cáýirde cyrt alańda Vengrııamen kezdesedi, dep habarlaıdy QazAqparat tilshisi.
Aıta keteıik, buǵan deıin qazaqstandyq fýtzalshylar úsh oıyn ótkizdi. Onyń barlyǵynda jeńiske jetti. Aldymen elordada búgingi qarsylasy - Vengrııany 5:0 esebimen tize búktirse, odan keıin Belarýsten 5:2 esebimen basym tústi. Úshinshi oıynda syrt alańda Belarýsti 5:1 esebimen súrindirdi.
Búgingi oıynda qazaqstandyq fýtzalshylar jeńiske jetken jaǵdaıda Eýropa chempıonaty fınaldyq kezeńine joldama alýyna múmkindigi bar.
Oıyn elorda ýaqytymen 17.55-te bastalyp, «Qazsport» telearnasynan tikeleı efırde kórsetiledi.
Qazir týrnır kestesinde úsh oıynnan keıin toǵyz upaı jınaǵan Qazaqstan quramasy kósh bastap tur. Odan keıingi oryndardaǵy Vengrııanyń 6, Belarýs pen Izraıldiń 3 upaıy bar.
Aıta ketelik, qazaqstandyq fýtzalshylar budan buryn Eýropa chempıonaty fınaldyq kezeńinde eki márte baq synady. 2016, 2018 jyldarda qola júlde aldy. Eýropa chempıonatynyń fınaldyq satysy 2022 jyldyń 19 qańtar jáne 6 aqpan aralyǵynda Nıderlandynyń Amsterdam jáne Gronıngen qalalarynda ótkiziledi.
