Fýtzal: Qazaqstan quramasy úshinshi jeńisine qol jetkize me
NUR-SULTAN. QazAqparat - Fýtzaldan Qazaqstan quramasynyń 2022 jylǵy Eýropa chempıonaty toptyq irikteý kezeńinde búgin, 8 naýryzda cyrt alańda Belarýspen taǵy bir oıyn ótkizedi, dep habarlaıdy QazAqparat tilshisi.
Atalǵan oıyn elorda ýaqytymen 22.30-da bastalyp, «Qazsport» telearnasynan tikeleı efırde kórsetiledi.
Esterińizge sala ketelik, qazaqstandyq fýtzalshylar besinshi topqa tústi. Qarsylastary - Vengrııa, Belarýs jáne Izraıl quramalary.
Qazaqstandyq qurama búginge deıin óz alańynda Vengrııadan 5:0, Belarýsten 5:2 esebimen basym tústi.
Al 28 qańtarǵa belgilengen Izraıldegi oıyn atalǵan memlekette koronavırýske qarsy kúres sharalarynyń kúsheıtilýine baılanysty ýaqytynda ótkizilmeı qaldy. Sondyqtan qos quramanyń eki kezdesýi de 9 jáne 11 sáýir kúnderi elordadaǵy «Jekpe-Jek» stadıonynda bolady dep josparlanyp otyr.
Qazaqstannan ózge quramalar úsh oıynnan ótkizdi. Olardyń barlyǵynda úsh upaıdan bar. Al eki oıynnan qazaqstandyq fýtzalshylar alty upaı enshilep, kósh basynda tur.
Belarýs fýtzalshylary bıylǵy irikteý satysynda aldymen Izraıldi syrt alańda 3:0 esebimen tize búktirdi. Odan keıin syrt alańda Vengrııaǵa 1:2 esebimen jol berdi. Belarýs quramasy Eýropa chempıonaty fınaldyq satysynda 2010 jyly bir márte baq synady. Óz tobynda sońǵy oryndy mise tutty.
