Fýtzal: Qazaqstan quramasy synǵa túsetin toptyń oıyn kúntizbesi anyqtaldy
NUR-SULTAN. QazAqparat - Fýtzaldan 2020 jylǵy álem chempıonaty irikteý satysyndaǵy elıtalyq kezeńindegi Qazaqstan quramasynyń oıyn kúntizbesi belgili boldy, dep habarlaıdy QazAqparat tilshisi.
Esterińizge sala ketelik, Qazaqstan quramasy D tobynda synǵa túsedi. Qarsylastary - Rýmynııa, Slovenııa jáne Chehııa quramalary. Atalmysh toptaǵy oıyndar 2020 jyldyń 2-5 aqpan aralyǵynda ótkiziledi.
Qazaqstadyq fýtzalshylar 2 aqpanda Rýmynııamen kezdesse, 3 aqpanda Slovenııamen sheberlik baıqasady. Al 5 aqpanda qazaqstandyq qurama Chehııamen oınaıdy.
Esterińizge sala ketelik, Qazaqstan quramasy elıtalyq atysyna joldama alǵan jarystyń negizgi satysynda Albanııany 4:0, Gollandııany 5:0, Rýmynııany 4:2 esebimen tize búktirdi.
Álem chempıonaty 2020 jyldyń 12 qyrkúıegi men 4 qazany aralyǵynda Lıtvada ótkiziledi. Onda barlyǵy 24 qurama synǵa túsedi. Qazaqstandyq fýtzalshylar buǵan deıin álem chempıonaty fınaldyq kezeńinde 2000 jáne 2016 jyldarda baq synady. 2016 jyly 1/8 fınalǵa deıin jetti.
