Fýtzal: Qazaqstan quramasy Slovenııadan basym tústi
ASTANA. QazAqparat - Fýtzaldan Qazaqstan quramasy 2024 jylǵy álem chempıonatyna irikteý kezeńindegi alǵashqy oıynyn Slovenııaǵa qarsy ótkizdi, dep habarlaıdy QazAqparat tilshisi.
Qazaqstandyq fýtzalshylar besinshi topta Slovenııa jáne Chernogorııa quramalarymen synǵa túsedi.
Búgingi kezdesýde qazaqstandyq fýtzalshylar jınaqy qımyl kórsetti. Oıynnyń 7-mınýtynda qazaqstandyq Albert Aqbalyqov esep ashsa, Dýglas Jýnıor 36-mınýtta qorytyndy esepti belgiledi.
Osylaısha Qazaqstan quramasy qarsylasyn 2:0 esebimen súrindirdi.
Endi qazaqstandyq fýtzalshylar 12 qazanda syrt alańda Chernogorııamen sheberlik baıqasady.
Árbiri óz jáne syrt alańda bir-bir oıynnan ótkizedi. Árbir toptyń jeńimpazy men úzdik kórsetkishke qol jetkizgen tórt qurama jarystyń elıtalyq satysyna joldama alady. Óz tobynda ekinshi oryn alǵan qalǵan quramalar arasynda ótpeli oıyndar bolady.
Jarystyń negizgi satysyndaǵy oıyndar 12-21 qyrkúıek, 3-12 qazan, 27 aqpan-8 naýryzǵa josparlanǵan.
Fýtzaldan Qazaqstan quramasy álem chempıonaty elıtalyq satysynda 2000, 2016, 2021 jyldarda synǵa tústi. Olar 2021 jyly tórtinshi orynǵa taban tiredi.
Eske salsaq, fýtzaldan Qazaqstan quramasy FIFA reıtınginde joǵarylady.
