Fýtzal: Qazaqstan quramasy Izraılden ekinshi márte basym tústi
NUR-SULTAN. QazAqparat - Fýtzaldan Qazaqstan quramasynyń 2022 jylǵy Eýropa chempıonaty toptyq irikteý kezeńinde búgin, 11 cáýirde elordada Izraılmen kezdesni, dep habarlaıdy QazAqparat tilshisi.
Buǵan deıin qazaqstandyq fýtzalshylar bes oıyn ótkizdi. Olar Vengrııa (5:0, 6:1) men Belarýsti (5:2, 6:1) qapy qaldyryp ketti. Odan keıin elordada Izraıldi 4:1 esebimen tize búktirdi.
Búgingi kezdesýde 1-mınýtta qazaqstandyq qurama sapynan Taınan esep ashty. Odank eıin 4-mınýtta Tımýr Baltabaev esepti ústemeleı tústi.
Ekinshi kezeńniń 21-mınýtynda qazaqstandyq Jomart Toqaev mergendik kórsetse, Taınan 24-mınýtta qorytyndy esepti belgiledi. Osylaısha qarsylasynan 4:0 esebimen basym tústi.
Aıta keterligi, atalǵan kezdesýde qazaqstandyq belgili oıynshy Serik Jamanqulov ulttyq qurama sapyndaǵy sońǵy oıynyn ótkizdi. Ol almatylyq «Qaırat» sapynda elimizdiń on dúrkin chempıony atanyp, eki márte ÝEFA Kýbogyn ıelendi. Ulttyq qurama qatarynda da birqatar mańyzdy kezdesýge qatysty.
Qazaqstan quramasy irikteý kezeńinde birde-bir upaı joǵaltqan joq. Barlyǵy 18 upaı jınaǵan qurama týrnır kestesinde birinshi oryn aldy.
Atalǵan besinshi topta 13 sáýirde Belarýs jáne Vengrııa quramalary sheberlik baıqasady. Osylaısha irikteý kezeńi máresine jetedi.
Eýropa chempıonatynyń fınaldyq satysy 2022 jyldyń 19 qańtar jáne 6 aqpan aralyǵynda Nıderlandynyń Amsterdam jáne Gronıngen qalalarynda ótkiziledi.
