Fýtzal: Qazaqstan quramasy horvattarmen teń tústi
ASTANA. QazAqparat - Búgin fýtzaldan Qazaqstan men Horvatııa quramalary joldastyq kezdesý ótkizdi, dep habarlaıdy QazAqparat tilshisi.
Qos qurama osylaısha 1-2 aqpan kúnderi eki márte kezdesip otyr. 1 aqpanda Qazaqstan quramasy horvattardy 2:1 esebimen basym tústi.
Búgingi kezdesý «Baǵanashyl» sport kesheninde ótkizildi. Aıta keterligi, «Qaırat» komandasynyń qaqpashysy Igıta Qazaqstan quramasy sapynda 50 márte alańǵa shyqqan.
Qos qurama sońǵy eki oıynǵa deıin 2007, 2016 jyldarda ózara kezdesken. 2007 jyly atalmysh quramalar Eýropa birinshiligine irikteý kezńinde jolyqty. Horvatııanyń Splıt qalasynda ótkende kezdesýde alań ıeleri 5:1 esebimen jeńdi. Odan keıin eki qurama 2016 jyly Eýropa birinshiligi fınaldyq kezeńinde sheberlik baıqasty. Bizdiń jigitter bul joly horvattardy 4:2 esebimen jeńgen edi.
Búgingi kezdesýde qos quramada gol soǵatyn bireshe múmkindik bolǵan edi. Ásirese, alań ıeleri osyndaı birneshe sátti múlt jiberdi. Osyndaı múmkindikti 38-mınýtta bizdiń quramalan Dýglas ta paıdalana alǵan joq. Kezdesý 0:0 esebimen aıaqtaldy.
Bul Qazaqstan quramasynyń fýtzaldan 2020 jylǵy álem birinshiligi aldyndaǵy daıyndyǵy bolyp tabylady. Bizdiń jigitter oıyndy negizgi kezeńnen bastaıdy. Ol 2019 jyldyń 22-27 qazan kúnderi bolady.
Esterińizge sala ketelik, álem chempıonaty 2020 jyldyń 12 qyrkúıek - 4 qazan aralyǵynda Lıtva elinde jalaýyn kóteredi.
Foto: kff.kz
