Fýtzal: Qazaqstan quramasy elordada Izraıldi qabyldaıdy
NUR-SULTAN. QazAqparat - Fýtzaldan Qazaqstan quramasynyń 2022 jylǵy Eýropa chempıonaty toptyq irikteý kezeńinde búgin, 9 cáýirde elordada Izraılmen kezdesedi, dep habarlaıdy QazAqparat tilshisi.
Buǵan deıin qazaqstandyq fýtzalshylar tórt oıyn ótkizdi. Olar Vengrııa (5:0, 6:1) men Belarýsti (5:2, 6:1) qapy qaldyryp ketti. Tórt týrda birde-bir upaıdy shashaý shyǵarmaǵan qurama 12 upaı jınap, eki týr buryn jarystyń fınaldyq kezeńine joldama alyp qoıdy . Odan keıingi oryndardaǵy Vengrııa men Belarýstiń -6, Izraıldiń 3 upaıy bar.
Búgingi oıyn elorda ýaqytymen 16.50-de bastalyp, «Qazsport» telearnasynan tikeleı efırde kórsetiledi.
Aıta keterligi, eki qurama Nur-Sultanda 11 sáýirde taǵy bir kezdesý ótkizedi. Atalǵan topta 13 sáýirde Belarýs jáne Vengrııa quramalary sheberlik baıqasady. Osylaısha irikteý kezeńi máresine jetedi.
Eýropa chempıonatynyń fınaldyq satysy 2022 jyldyń 19 qańtar jáne 6 aqpan aralyǵynda Nıderlandynyń Amsterdam jáne Gronıngen qalalarynda ótkiziledi.
