Fýtzal: Qazaqstan quramasy búgin Vengrııamen kezdesedi
NUR-SULTAN. QazAqparat - Búgin fýtzaldan Qazaqstan quramasy 2022 jylǵy Eýropa chempıonaty irikteý kezeńindegi alǵashqy oıynynda Vengrııa quramasyn qabyldaıdy, dep habarlaıdy QazAqparat tilshisi.
Esterińizge sala ketelik, Qazaqstan quramasy besinshi topta synǵa túsedi. Qarsylastary - Vengrııa, Belarýs jáne Izraıl quramalary.
Vengrııa quramasy álem jáne Eýropa chempıonattarynyń fınaldyq kezeńinde birneshe márte baq synady. Alaıda eshqaısysynda joǵarynátıjege qol jetkize alǵan joq.
Álem chempıonaty fınaldyq kezeńine alǵash 1989 jyly qatysty. Bul joly V tobynda Brazılııa, Ispanııa jáne Saýd Arabııasymen sheberlik baıqasty. Aldymen Vengrııany 3:2 esebimen jeńip, odan keıin Ispanııaǵa 3:5 esebimen ese jiberdi. Sońǵy kezdesýde Saýd Arabııasyn 11:2 esebimen tize búktirdi. Nátıjesinde óz tobynda ekinshi orynmen jarystyń ekinshi kezeńine shyǵyp, A tobynda synǵa tústi. Aldymen Nıderlandymen 3:3, Belgııamen 2:2 esebimen teń tússe, odan keıin Italııadan 1:3 esebimen jeńilip qaldy. Tobynda úshinshi oryndy mise tutqan vengrııalyq fýtzalshylar jarysty jalǵastyrýdan shet qaldy. Odan keıingi jyldarda Vengrııa quramasy álem chempıonaty irikteý kezeńinen aryǵa asa alǵan joq.
Vengrııalyq fýtzalshylar Eýropa chempıonaty fınaldyq kezeńinde 2005, 2010, 2016 jyldarda baq synady. Barlyǵynda da jarysty birinshi kezeńde aıaqtady. Qurama sapyndaǵy fýtzalshylardyń barlyǵy óz eliniń birinshiliginde oıyn kórsetedi. Olardyń arasynda Zoltan Drot qana Almatynyń «Qaıratynyń» namysyn qorǵaıdy.
Aıta ketelik, qazaqstandyq fýtzalshylar budan buryn Eýropa chempıonaty fınaldyq kezeńinde eki márte baq synady. 2016, 2018 jyldarda qola júlde aldy.
Oıyn elorda ýaqytymen 19.30-da bastalyp, Qazsporttelearnasynan tikeleı efırde kórsetiledi.
Atalǵan topta búgin Belarýs syrt alańda Izraıldi3:0 esebimen jeńip ketti.
