Fýtzal: Qazaqstan quramasy Belarýsten esesin qaıtaryp aldy
ASTANA. QazAqparat - Fýtzaldan Qazaqstan quramasy Belarýs komandasynan esesin qaıtaryp aldy, dep habarlaıdy QazAqparat tilshisi.
Esterińizge sala keteıik, jerlesterimiz birinshi oıynda qarsylastaryna ese jiberip alǵan bolatyn. Ekinshi matchta Alesıonyń shákirtteri qarymta kezdesýge ese qaıtarý úshin shyqty. Nátıjesinde Qazaqstan quramasy Belarýs qaqpasyna úsh jaýapsyz gol soǵyp, qarsylasyna esh múmkindik bermedi.
Oıynnyń 8-shi mınýtynda Mıhaıl Pershın qaqpashymen birge-bir shyǵyp, Golovnevten aılasyn asyrdy - 1:0. Araǵa alty mınýt salyp jas fýtzalshy Birjan Orazov Súleımenovtyń ádemi pasynan esepti eseledi. Al matchtyń sońǵy mınýtynda Jamanqulov nátıjeni qorytyndylady.
Qazaqstan 3:0 Belarýs
Goldar: Pershın 8, Orazov 14, Jamanqulov 40
Qazaqstan: Gýrov, Shamro - Knaýb, Jamanqulov, Súleımenov (k), Dovgan, Esenamanov, Pershın, Taký, Dýglas, Solýmenko, Ryndın, Tóreǵazın, Aqbalyqov, Orazov
Belarýs: Golovnev, Chýrılın - Gýsakov, Krykýn, Aleınıkov, Lazıýk, Olshevskıı, Sılıvonchık, Chernık (k), Ragovık, Los, Goncharov, Selıýk, Matveenko
Tóreshiler: Qosmuhambetov, Abraev (ekeýide - Qazaqstan).
