Fýtzal: Qazaqstan quramasy álem chempıonatynyń pleı-off básekesine joldama aldy
ASTANA. QazAqparat - Fýtzaldan 2016 jylǵy álem chempıonatynyń irikteý týrnırinde Qazaqstan quramasy óz tobynyń jeńimpazy atandy.
«ON-TV» (burynǵy «Tań») telearnasynan tikeleı efırde kórsetkenindeı, sońǵy oıynda qazaqstandyqtar Frantsııa quramasyn 4:2 esebimen utty. Bul kezdesýde Dáýren Nurǵojın qos doptyń avtory atansa, Serik Jamanqulov pen Dýglas bir-birden gol soqty.
Sóıtip úsh oıynnan jeti upaı jınaǵan Kakaýdyń shákirtteri óz tobynda jeńimpaz atanyp, 2016 jylǵy álem birinshiligi irikteý týrnıriniń pleı-off básekesine joldama aldy. Buǵan deıin Qazaqstan quramasy alań ıeleri Chehııa fýtbolshylaryn 3:1 esebimen tize búktirip, slovenııalyqtarmen teń oınaǵan (2:2) bolatyn.
Eske sala keteıik, 2016 jylǵy naýryz-sáýirde ótetin pleı-off básekelerinen keıin Eýropadan Kolýmbııada 14 qyrkúıek - 2 qazan aralyǵynda ótetin álem birinshiligine baratyn jeti qurama belgili bolmaq. Pleı-off básekeleriniń jerebesi 12 aqpanda tartylmaq. Budan bólek, fýtzaldan Qazaqstan quramasy Belgradta (Serbııa) 2-13 aqpanda ótetin Eýropa chempıonatyna qatysady. Munda qazaqstandyqtar S tobynda Reseı jáne Horvatııa komandalarymen synǵa túsedi.
