Fýtzal: Qazaqstan Izraıl quramasyn 4:1 esebimen jeńdi
NUR-SULTAN. QazAqparat - Fýtzaldan Qazaqstan quramasynyń 2022 jylǵy Eýropa chempıonaty toptyq irikteý kezeńinde búgin, 9 cáýirde elordada Izraılmen kezdesti, dep habarlaıdy QazAqparat tilshisi.
Oıyn barysynda qazaqstandyq fýtzalshylar senimdi oıyn kórsetti. Oıynnyń 16-mınýtynda Taınan esep ashsa, 18, 19-mınýttarda Jomart Toqaev esepti ústemeleı tústi.
Ekinshi kezeńniń 23-mınýtynda Taınan taǵy bir goldyń avtory atandy. Al 37-mınýtta Izraıl quramasy sapynan Or Goldsteın bir golmen jaýap qaıyrdy.
Osylaısha Qazaqstan quramasy qarsylasynan 4:1 esebimen basym tústi. Nátıjesinde irikteý kezeńindegi besinshi jeńisine qol jetkizdi.
Buǵan deıin qazaqstandyq fýtzalshylar tórt oıyn ótkizdi. Olar Vengrııa (5:0, 6:1) men Belarýsti (5:2, 6:1) qapy qaldyryp ketti. Tórt týrda birde-bir upaıdy shashaý shyǵarmaǵan qurama 12 upaı jınap, eki týr buryn jarystyń fınaldyq kezeńine joldama alyp qoıdy.
Aıta keterligi, eki qurama Nur-Sultanda 11 sáýirde taǵy bir kezdesý ótkizedi. Atalǵan topta 13 sáýirde Belarýs jáne Vengrııa quramalary sheberlik baıqasady. Osylaısha irikteý kezeńi máresine jetedi.
