Fýtzal: Qazaqstan álemdik reıtıngte 9-oryndy ıelendi
ASTANA. QazAqparat - Fýtzaldan Qazaqstan ulttyq quramasy álemdik reıtıngte toǵyzynshy oryndy ıelendi, dep habarlaıdy QazAqparat tilshisi.
Jańarǵan reıtıng boıynsha úzdik ondyqqa kirgen Qazaqstan quramasynyń enshisinde 1465 upaı bar.
Al bul tizimde kósh basynda brazılııalyq sportshylar tursa, ekinshi oryndy Ispanııa sportshylary enshilegen. Al úzdik úshtikti Reseı quramasy túıindep tur.
Esterińizge sala keteıik, Qazaqstan quramasy sáýir aıynda Eýropa 2018 irikteý dodasyna qatysady. Quramanyń qarsylastary - Chehııa, Makedonııa jáne Danııa.
