Fýtzal: «Qaırattyń» qarqyny jaqsy
ASTANA. Aqpannyń 17-si. QazAqparat /Ernur Aqanbaı/ - Qaraǵandyda fýtzaldan 2009/2010 jylǵy Qazaqstannyń ashyq chempıonatynyń 5-shi týr matchtary ótti.
Onyń qorytyndysy boıynsha Almatynyń «Qaırat» klýby týrnır kestesindegi jaǵdaıyn myǵymdaı tústi, dep habarlaıdy QazAqparat.
Bul týrda «Qaırat» barlyq oıynda jeńiske jetti. Óziniń basty qarsylasy Qaraǵandynyń «Tulpar» komandasymen bolǵan kezdesýde 3:2 esebimen basym tústi. «Qaırattyń» enshisinde qazir 20 oıynnan keıin 52 upaı bar. Ekinshi orynda 49 upaı jınaǵan «Tulpar» keledi. Úzdik úshtiktiń qatarynda Astananyń «Ushqyn» komandasy bar. Kósh sońynda Bishkektiń «AÝB» jáne «Ádilet» komandalary.
Aıta keteıik, Bishkekte ótken tórtinshi týrdan keıin «Qaırat» komandasy upaı sany boıynsha týrnır kestesinde «Tulpardy» qýyp jetip, kósh tizginin qaıtadan qolyna alǵan bolatyn.
