Fýtzal: «Qaırat» joldastyq týrnırde «Barselonaǵa» ese jiberdi

ASTANA. QazAqparat - Almatylyq «Qaırat» fýtzal klýby halyqaralyq «Mucho Mas» joldastyq týrnıriniń jartylaı fınalynda Ispanııanyń «Barselona» komandasyna ese jiberdi, dep habarlaıdy QazAqparat tilshisi.

Halyqaralyq týrnır 19 - 20 tamyz kúnderi Ispanııanyń Valdepenıa qalasynda ótedi. Týrnır «Tórtiktiń fınaly» formatynda bolady.

Bul - qazaqstandyq klýbtyń ıspanııalyq maman Marlon Velasko jetekshiligimen qatysyp jatqan alǵashqy týrnıri. Oǵan qazaqstandyq klýbtan ózge sol eldiń «Valdepenıas», «Palma» jáne «Barselona» komandalary qatysady.

Jartylaı fınalda «Qaırat» Eýropadaǵy tájirıbeli klýbtardyń biri «Barselonaǵa» 1:6 esebimen ese jiberdi.

Endi olar 20 tamyzda 3-oryn úshin saıysta «Valdepenıas» - «Palma» jubynyń jeńilgen klýbymen kezdesedi.

Sondaı-aq qazaqstandyq klýb 23 tamyzda Portýgalııada bastalatyn «International Masters Cup» týrnırine qatysady. Qarsylastary - sol eldiń «Sportıng», «Benfıka» jáne «Braga» komandalary.