Fýtzal: «Qaırat» ÝEFA Kýbogy úshin jarysta tórteýdiń fınalyna shyǵa almady
ASTANA. Qarashanyń 23-i. QazAqparat /Ernur Aqanbaı/ - Fýtzaldan 2009/2010 jylǵy ÝEFA Kýbogynyń elıtaly kezeńiniń matchtary aıaqtaldy.
Ókinishke qaraı, ótken jylǵy ÝEFA Kýbogynyń qola júldesin jeńip alǵan, Qazaqstan chempıony - Almatynyń «Qaırat» klýby ózi synǵa túsken «D» tobynda ekinshi oryn alyp, Eýropanyń basty klýbtyq trofeıi úshin bolatyn jarystaǵy tórt myqty komandanyń qataryna óte almady. Ázirbaıjannyń Baký qalasynda ótken elıtaly kezeńniń matchtarynda «Qaırat» «D» tobynda jergilikti «Araz» komandasyna jol berdi.
Aıta keteıik, «Qaırat» jerebe nátıjesinde Ázirbaıjannyń «Araz», Latvııanyń «Nıkars» jáne Grekııanyń «Afıny-90» komandalarymen birge bir topta oınady. Bizdiń komanda «Nıkarsty» 4:3, «Afıny-90-dy» 3:2 esebimen utqanymen, «Arazdan» 4:3 esebimen jeńilip qaldy.
