Fýtzal: «Qaırat» pen «Semeı» Chempıondar lıgasynyń negizgi kezeńinde baq synaıdy

ASTANA. KAZINFORM – Qazaqstandyq «Qaırat» pen «Semeı» búgin fýtzaldan UEFA Chempıondar lıgasynyń negizgi kezeńindegi oıynyn ótkizedi. 

«Qaırat» tórtinshi topta synǵa túsedi. Qarsylastary – «Sportıng» (Portýgalııa), «Prıshtına» (Kosovo) jáne «Novo Vrıeme» (Horvatııa). 

29 qazan men 1 qarasha aralyǵynda jsparlanǵan kezdesýler Horvatııadaǵy Makarska qalasynda ótedi. 

Aldymen almatylyq komanda 29 qazanda «Novo Vrıeme» komandasymen kim myqtyny anyqtaıdy. Oıyn «Qazsport» telearnasynan Qazaqstan ýaqytymen 23:50-de tikeleı efırde kórsetiledi. 

Odan keıin «Qaırat» 30 qazanda «Sportıngpen» sheberlik baıqassa, úshinshi týrda «Prıshtınamen» alańǵa shyǵady. 

Taǵy bir qazaqstandyq klýb «Semeı» úshinshi topta «Palma» (Ispanııa), «Hrýdım» (Chehııa) jáne «Etýal» (Frantsııa) klýbtarymen kezdesedi. Barlyq oıyn Ispanııada «Palma» klýbynyń alańynda bolady. Semeılik komanda 29 qazanda «Hrýdım», 30 qazanda «Etýal», 1 qarashada «Palma» komandasymen sheberlik baıqasady.

Úzdik tórttiktiń fınaly 2026 jyldyń mamyr aıynda Italııanyń Pezaro qalasynda ótedi. 

Eske salsaq, budan buryn fýtzaldan 2026 jylǵy Eýropa chempıonatynyń fınaldyq kezeńin ótkizýge ózgerister engizildi.