Fýtzal: «Qaırat» pen «Aqtóbe» óz alańdarynda match ótkizýden bas tartty
NUR-SULTAN. QazAqparat – Fýtzaldan Chempıondar lıgasynyń 1/16 fınalyna qatysatyn qazaqstandyq klýbtar oıyndaryn syrt alańda ótkizedi, dep habarlaıdy QazAqparat KazFootball.kz portalyna silteme jasap.
Chempıondar lıgasynyń 1/16 fınalynyń qatysýshylaryna matchty óz alańynda qabyldaǵysy kelmeıtini nemese ondaı múmkindiktiń joqtyǵy týraly ÝEFA-ǵa habarlaý usynylǵan. Nátıjesinde 32 qatysýshynyń 5-eýi: «Qaırat», «Aqtóbe» (ekeýi de Qazaqstan), «Dobovets» (Slovenııa), «Prıshtına» (Kosovo) jáne «Hovokýbo» (Nıderlandy) komandalary oıyndaryn syrt alańda ótkizetin boldy.
Kezdesýler kórermensiz ótedi.
Eske sala ketsek, «Qaırat» pen «Aqtóbe» jerebe tastaý kezinde 3-toptaǵy irikteýden ótkizilgen komandalardyń qataryna jatqyzyldy. Qazaqstandyqtardyń negizgi qarsylastary - «VıtEn» (Belarýs), «Hoenshtaın-Ernsttal» (Germanııa), «Shkýpı» (Makedonııa) jáne AEK (Gretsııa).
Chempıondar lıgasy 1/16 fınalynyń oıyndary 2021 jyldyń 12-17 qańtary aralyǵynda ótedi jáne bir ǵana oıynnan turady.
