Fýtzal: «Qaırat» qaıtadan kósh bastady
ASTANA. Aqpannyń 2-si. QazAqparat /Ernur Aqanbaı/ - Qyrǵyzstannyń astanasy Bishkek qalasynda fýtzaldan 2009/2010 jylǵy Qazaqstannyń ashyq chempıonatynyń tórtinshi týry aıaqtaldy.
Bul týrda barlyq matchtarda jeńiske jetken Almatynyń «Qaırat» komandasy týrnır kestesinde Qaraǵandynyń «Tulpar» komandasyn qýyp jetip, kósh tizginin qaıtadan qolyna aldy, dep habarlaıdy QazAqparat.
Qazaqstan Fýtbol federatsııasynyń málimetinshe, Qazaqstannyń ashyq birinshiliginde joǵarydaǵy eki komandadan bólek Astananyń «Ushqyn-Iskra», sondaı-aq Bishkektiń «Ádilet» jáne «AÝB» komandalary ózara synǵa túsýde. «Qaırat» pen «Tulpar» arasyndaǵy oıyn 3:1 esebimen almatylyqtardyń paıdasyna sheshilgen. Sóıtip qos komanda 16 oıynnan keıin 40 upaıdan jınap, 1-shi jáne 2-shi oryndarda tur. Odan keıingi oryndarda «Ushqyn», «Ádilet» jáne «AÝB» komandalary keledi.
