Fýtzal: Kaka «Qaıratqa» taǵy úsh jyl bapker bolady
NUR-SULTAN. QazAqparat - Fýtzaldan Almatynyń «Qaırat» komandasy brazılııalyq maman Paýlo Rıkardo Kakamen kelisimshart merzimin 2023 jylǵa deıin sozdy, dep habarlaıdy QazAqparat komanda saıtyna silteme jasap.
Kaka atalǵan klýbqa 2018 jyldan beri jetekshilik jasap keledi. Sol ýaqyttan beri ol komandamen birge fýtzaldan Qazaqstan chempıony ataǵyn jeńip aldy. Sondaı-aq, Qazaqstan kýbogynyń ıegeri atandy. Eki márte elimizdiń sýperkýbogyna qol sozsa, 2018/2019 jylǵy kezeńde UEFA Chempıondar lıgasynda kúmis júldeger atandy.
Brazılııalyq maman fýtzaldan Qazaqstan ulttyq quramasynyń bapkeri. Ótken jyly ulttyq qurama óz tarıhynda úshinshi márte álem chempıonatyna joldama aldy.
Buǵan deıin ataqty fýtbolshy Krıshtıaný Ronaldýdyń tarıhtaǵy alǵashqy mıllıarder fýtbolshy atanǵanyn habarlaǵan bolatynbyz.
