Fýtzal: Eýropa chempıonatynyń fınalyna shyqqan segiz qurama belgili
ASTANA. QazAqparat - Fýtzaldan 2018 jylǵy Eýropa chempıonatynyń fınalynda baq synaıtyn 12 quramanyń segizi anyqtaldy.
2018 jylǵy Eýropa chempıonaty irikteý týrnırindegi «F» tobynyń komandalary Almatyda dodaǵa túskende, Batystyń alty qalasynda basqa toptaǵy quramalar baq synady. Bárinde de irikteý oıyndary aıaqtalyp, jeńimpazdar anyqtaldy.Fýtzaldan Qazaqstan quramasy Eýropa chempıonatyna joldama alǵandyǵyn buǵan deıin habarlaǵan bolatynbyz.
«A» toby
Italııa- 7 upaı
Grýzııa - 3
Belarýs - 2
Nıderlandy - 2
«B» toby
Ázerbaıjan - 9
Vengrııa - 4
Bosnııa jáne Gertsegovına - 2
Albanııa - 1
«C» toby
Ýkraına - 9
Horvatııa - 6
Belgııa - 3
Tsrna Gora - 0
«D» toby
Portýgalııa - 9
Rýmynııa - 4
Fınlıandııa - 4 (dop aıyrmasy: «- 3»)
Latvııa - 0
«E» toby
Ispanııa - 7
Serbııa - 6
Polsha - 4 («- 2»)
Moldova - 0
«F» toby
Qazaqstan - 9
Chehııa - 6
Makedonııa - 3
Danııa - 0
«G» toby
Reseı - 9
Frantsııa - 6
Slovakııa - 3
Túrkııa - 0
Sóıtip, Italııa, Ázerbaıjan, Ýkraına, Portýgalııa, Ispanııa, Qazaqstan jáne Reseı quramalary 2018 jylǵy Eýropa chempıonatynyń fınalyna tikeleı shyqty. Bularǵa kelesi jylǵy qurlyq chempıonatynyń qojaıyndary Slovenııa quramasyn qosamyz. Olar fınalǵa avtomatty túrde shyqqan.
Sonda, 2018 jylǵy Eýropa chempıonatynyń fınalynda dodaǵa túsetin 12 quramanyń segizi belgili. Qalǵan tórteýi qosymsha joldamalar sarapqa salynatyn matchtardan soń belgili bolady.
Qalǵan tórt joldamaǵa segiz qurama talasady. Olar - joǵarydaǵy jeti topta ekinshi orynǵa ıe bolǵandar. Atap aıtqanda: Grýzııa, Vengrııa, Horvatııa, Rýmynııa, Serbııa, Chehııa jáne Frantsııa.
Al segizinshi qurama - osy jeti toptaǵy úshinshi oryn alǵan komandalardyń ishindegi tehnıkalyq kórsetkishi eń joǵarysy. Bul rette tórt upaımen jáne «-2» dop aıyrmasymen «E» tobyndaǵy Polsha quramasy úzdik shyqty.
Osy segiz qurama arasynda 6 shilde kúni jerebe tartylady. Komandalar tórt jupqa jiktelip, qyrkúıek aıynda úıde jáne túzde júıesimen eki oıynnan ótkizedi. Eki matchtyń qorytyndysy boıynsha basym túskenderi joǵarydaǵy segiz qurmaǵa qosylyp, Slovenııada ótetin Eýropa chempıonatynda qurlyq birinshiligi dodasynda baq synaıdy.
Derekkóz: Astana fýtbol federatsııasy
