Fýtzal: Chempıondar lıgasy 1/16 fınalynyń naqty merzimi belgili boldy
NUR-SULTAN. QazAqparat - Qazaqstandyq komandalardyń qatysýymen ótetin fýtzaldan Chempıondar lıgasy 1/16 fınalynyń naqty merzimi belgili boldy, dep habarlaıdy QazAqparat tilshisi.
Bul jóninde UEFA saıtynda jarııalandy .
Almatylyq «Qaırat» jarystyń atalǵan satysynda Belarýstiń «VıtEn» komandasymen kezdesedi. Match 2021 jyldyń 16 qańtarynda Mogılev qalasynda bolady.
Al «Aqtóbe» Grekııa chempıony AEK komandasymen oınaıdy. Bul kezdesý de 16 qańtarda syrt alańda bolady.
Esterińizge sala ketelik, jarystyń atalǵan satysyndaǵy jeńimpaz komanda bir oıynnyń nátıjesi boıynsha anyqtalady.
Týrnırdiń 1/8 fınaldyq satysy 16-21 aqpan kúnderi ótkiziledi. Jartylaı fınal jáne fınal ótetin naqty merzimi keıinnen naqtylanady.
