FÝTZAL: Almatynyń «Qaıraty» ÝEFA kýbogynyń fınalyna shyqty
ORAL. QazAqparat - Portýgalııa astanasy Lıssabonda ótip jatqan shaǵyn fýtboldan ÝEFA kýbogy úshin jarysta Almatynyń «Qaıraty» fınalǵa shyqty.
Jartylaı fınalda brazılııalyq maman Kakaý jattyqtyratyn almatylyqtar Máskeýdiń «Dınasyn» 7:4 esebimen utty. Negizgi oıynda qazaqstandyqtardan Leo kózge túsip, úsh dop soqty. Alaıda máskeýlikter sońǵy, 40-mınýtta «Qaırattyń» qaqpasyna eki gol engizip, esepti 3:3-ke jetkizdi. Qosymsha eki taımnyń basynda Aleshandre Dıvaneı almatylyqtardy alǵa shyǵarsa, sodan keıin Jýnıor da Sılva Dýglas pen Baptısta Lýkaıan mergendik tanytty. Oıyn núktesin Leo qoıyp, tórt goldyń avtory atandy.
«Qaırat» 26 sáýir kúni ótetin fınalda Ispanııanyń «Barselona» nemese Portýgalııanyń «Sportıng» komandalarynyń bireýimen oınaıdy.
Aıta keteıik, sońǵy jyldary úzdik klýbtardyń qatarynan tabylyp júrgen Almatynyń «Qaıraty» budan eki jyl buryn ÝEFA kýbogyn utyp alǵan bolatyn.
