Fýtzal: Almatynyń» «Qaıraty» Eremenko kýbogyn úshinshi ret utyp aldy
ASTANA. QazAqparat - Máskeý qalasynda fýtzaldan ótken Eremenko kýbogynyń fınalynda Almatynyń «Qaıraty» Novosibirdiń «Sıbırıak» komandasyn 4:3 esebimen jeńdi, dep habarlaıdy «QazAqparat» HAA tilshisi.
«Qazsport» telearnasynan tikeleı efırde kórsetkenindeı, aldymen almatylyqtar (Dýglas Nýnes) 7-mınýtta esep ashty. Bir mınýttan keıin Dýglas esepti 2:0-ge jetkizdi. Alaıda oıyn barysynda «Sıbırıak» tarazy basyn teńestirip qana qoımaı, 3:2 esebimen alǵa shyǵa bildi. Degenmen 43-mınýtta «Qaırattan» Dıvaneı esepti qaıta teńestirdi. Sodan keıin Mıhaıl Pershın 10 metrlik aıyp dobyn dál soǵa bildi. Budan keıin novosibirlikter qaqpashysyn oıynshyǵa aýystyryp, alǵa umtylǵanymen, eshteńe isteı almady. Bul jerde «Qaırattyń» qaqpashysy Igıtanyń da sátti oınap, birneshe ret qaýipti soqqyny qaıtarǵanyn aıta ketý kerek.
Sóıtip Kakaý jattyqtyratyn «Qaırat» tórtinshi ret ótkizilip otyrǵan Eremenko kýbogyn úshinshi márte utyp aldy. Buǵan deıin almatylyqtar 2014, 2016 jyldary jeńimpaz atansa, 2015 jyly úshinshi oryndy ıelengen edi.
