Fýtzal: Albanııa men Armenııaǵa qarsy matchta kimder synǵa túsedi

ASTANA. KAZINFORM — Fýtzaldan Qazaqstan ulttyq quramasynyń bas bapkeri Paýlo Rıkardo Kaka 2026 jylǵy Eýropa chempıonatyna irikteý kezeńindegi jáne Armenııaǵa qarsy ótetin sońǵy matchtarǵa shaqyrylǵan oıynshylardyń tizimin jarııalady.

Erteń, ıaǵnı 7 naýryz kúni Qazaqstan fýtzal quramasy Eýro-2026 irikteý kezeńi aıasynda Astana qalasyndaǵy Jaqsylyq Úshkempirov atyndaǵy jekpe-jek saraıynda Albanııany qabyldaıdy. Jarys 19:00-de bastalady.

12 naýryzda qurama Armenııaǵa qarsy Erevanda sońǵy ári sheshýshi oıynyn ótkizedi. Ekinshi matchtyń bastalýy – Astana ýaqytymen 20:00.

Qazaqstan quramasynyń sapyna 16 oıynshy shaqyrtý aldy. Jaraqatyna baılanysty quramǵa Leo Igıta men Dýglas Jýnıor shaqyrylǵan joq.

Qaqpashylar: Raýan Atantaev («Semeı»), Narýn Serikov («Qaırat»), Raýan Sısenǵalıev («Aıat»);

Alańdaǵy oıynshylar: Birjan Orazov, Dáýren Tursaǵulov, Arnold Knaýb, Jahangir Rashıt, Damır Qaıyrbaı (bári – «Qaırat»), Shyńǵys Esenamanov, Aqjol Dáribaı, Erjan Karmenov (bári – «Semeı»), Leo Mendonka (RFSh, Latvııa), Azat Valıýllın («Aıat»), Ashat Kólbaev («Aqtóbe»), Nursultan Pııaly («Ordabasy»), Aleksandr Derıabın («Tıýmen», Reseı). 

Aıta keteıik, ázirge tórt týrdyń qorytyndysy boıynsha Qazaqstan quramasy 7 upaımen týrnır kestesinde 2-orynda tur.

Esterińizge salsaq, osyǵan deıin Dastan Sátpaev pen Georgıı Jýkov quramaǵa shaqyrtý alǵanyn jazǵan bolatynbyz.