Futures Cup týrnırinde fınalǵa qaı elden qansha boksshy shyqty

ASTANA. KAZINFORM – Taıland astanasy Bangkok qalasynda ótip jatqan Futures Cup halyqaralyq týrnırinde qaı elden qansha boksshy fınalǵa shyqqany belgili boldy.

Bul jóninen Qazaqstan quramasy segiz sportshymen ekinshi orynda tur. El quramasynan on sportshy jartylaı fınalda jekpe-jek ótkizdi. Olardyń 8-i jeńiske jetse, 3-eýi qarsylasyna ese jiberdi. 

Otandastarymyz arasynan Kamıla Ospanova (70 keli), Aıdana Ýbaıdýllaqyzy (80 keli), Dosjan Jumaqan (60 keli), Bıbarys Áshirbaı (70 keli), Jalǵas Ótebekov (90 keli), Vladıslav Samojonov (90 keliden joǵary) fınalǵa joldama aldy. 

Al kósh basyndaǵy Ózbekstan – 9, úshinshi oryndaǵy AQSh – 5 boksshyǵa senim bildirse, odan keıin Úndistan – 4, Ýkraına – 3, Frantsııa, Japonııa – 2, Anglııa, Italııa, Qyrǵyzstan, Grýzııa, Samoa, Tývalý, Taıland 1 úzdigine úmit artady. 

Sondaı-aq el quramasynan Aqnur Tursynǵalı (57 keli) Zarına Tolybaı (75 keli), Nursultan Qystaýbaı (85 keli) qola júldeger atandy.

Fınaldyq jekpe-jekter 15 naýryzǵa belgilengen.