Fýtbolshy Sergeı Hıjnıchenko aýyr jaraqat aldy
ASTANA. QazAqparat - Qazaqstan ulttyq qurama komandasynyń jáne «Ordabasy» FK shabýylshysy Sergeı Hıjnıchenko aýyr jaraqat saldarynan maýsymnyń qalǵan bóligin ótkizip alýy múmkin, dep habarlaıdy «SPORTINFORM» SAA.
26 jastaǵy forvard jattyǵý kezinde tizeden aýyr jaraqat aldy. Tekserý kezinde dárigerler tizeniń aıqysh (krest tárizdi) baılamdarynyń úzilgenin anyqtaǵan. Jýyq arada sheteldiń emhanalardyń birinde oıynshynyń tizesine ota jasalady. Odan keıin uzaq ýaqyt emdelýi tıis. Ádette mundaı jaraqattan keıin fýtbolshylar jarty jylǵa alańǵa shyǵa almaıdy.
Aıta keteıik, chempıonattyń osy maýsymynda dál osyndaı jaraqat ekinshi ret qaıtalanyp otyr. Úshinshi týrda «Atyraýdyń» jas qorǵaýshysy Dáýren Májıtovtiń de tizesiniń aıqysh baılamy úzilgen bolatyn.
