Fýtbolshy Peleniń uly esirtki qylmysy úshin taǵy da qamaýǵa alyndy
ASTANA. QazAqparat - Brazılııada ańyzǵa aınalǵan fýtbolshy Peleniń uly, Edıno dep atalyp ketken Edson Nasımentý esirtki mafııasynyń aqshasyn jasyrǵany úshin qamaýǵa alyndy. Sottyń ony 33 jylǵa túrmege qamaý sheshimin shyǵardy, sátsiz apellıatsııa bergen ol aqyry temir tordyń ar jaǵyna otyratyn boldy, dep habarlaıdy AFP.
Qatań úkimge qaramastan, sot burynǵy qaqpashyǵa keıin qabyldanbaǵan apellıatsııa boıynsha sheshimge deıin bostandyqta qalýǵa ruqsat berdi.
Sýdıa Sıýzanna Pereıra sot qaýlysynda Edınonyń joǵary ınstantsııaly sotqa taǵy bir ret apellıatsııa bere alatynyn atap ótti, alaıda bul joly ol túrmede otyryp shaǵymdana alady.
Peleniń ulynyń qorǵaýshylary brazılııalyq BAQ-qa sottyń bul sheshimine tań qalǵandaryn jáne Edınonyń kóp uzamaı bostandyqqa shyǵarylýyn talap etetinderin habarlady.
Peleniń baspasóz qyzmeti qamaýǵa alý boıynsha túsinikteme berýden bas tartty. 74 jastaǵy fýtbolshy, 1958, 1962 jáne 1970 jyldardaǵy Álem kýbogynyń brazılııalyq chempıony ótken aptada búırekten tastardy alyp tastaý boıynsha ota jasatyp, senbi kúni aýrýhanadan shyqty.
Bul Edınonyń qamaýǵa alynǵan birinshi oqıǵasy emes. Shilde aıynda jaǵalaýdaǵy Santos qalasynyń soty ony aqshany jasyrý isi boıynsha qamaýǵa aldy. 2005 jyly Santostaǵy bandanyń 50 múshesi qamaýǵa alynǵan soń ol qatań rejımdegi túrmede jarty jyl otyrdy. Prokýratýra Edınonyń bul esirtki tobymen baılanysty ekenin aıtady.
Peleniń balasy bul aıyptardy joqqa shyǵarady, alaıda jurtshylyq aldynda esirtkini kásibı fýtbolmen aınalysa bastaǵanda qyzyǵýshylyqtan paıdalanǵanyn málimdegen bolatyn.
