Fýtbolshy klýb bapkerin tapanshamen qorqytyp, komandadan oryn talap etken
ASTANA. QazAqparat - Argentınanyń "Eskýela Prezıdente Roka" klýbynyń oıynshysy Tsezar Paganı jattyqtyrýshysyn tapanshamen qorqytyp, ony bastapqy quramǵa qosýyn talap etken, dep habarlaıdy AS.
Oqıǵa jattyǵý kezinde bolǵan. «Men bul klýbta 45 jyldan astam ýaqyt jumys isteımin, biraq mundaı jaǵdaı basymnan birinshi ret ótti», - dedi jattyqtyrýshy Krıstıaný Neırý. Bolǵan oqıǵadan keıin ol otstavkaǵa ketken.
Polıtsııa oqıǵanyń mán-jaıyn anyqtaýmen aınalysyp jatyr. Klýbtyń prezıdenti atap ótkendeı, budan buryn Paganı tanysy arqyly klýbta birge oınaıtyn sporshyny da qorqytqan.
