Fýtbolshy Hames Rodrıgeske 11,65 mln eýro aıyppul salyndy
ASTANA. QazAqparat - Kolýmbııa ulttyq quramasynyń kapıtany, «Real Madrıdtiń» jartylaı qorǵaýshysy Hames Rodrıges 11,65 mln eýro aıyppul tóleıdi. Bul týraly Ispanııanyń El Mundo basylymy habarlaıdy.
Ispanııanyń salyq organdary Hames Rodrıgesti 6,35 mln eýro mólsherindegi salyqtardy tóleýden jaltardy dep aıyptap otyr. «Bavarııaǵa» eki jylǵa jalǵa berilgen fýtbolshy Ispanııanyń rezıdenti emes sheteldik retinde salyq tólep kelgen. Biraq salyq organdary egjeı-tegjeıli tekserip, Hames Rodrıgestiń ekonomıkalyq qyzmeti aýqymdy ekeni anyqtaǵan. Sondyqtan Ispanııanyń rezıdenti retinde salyq tóleýge tıis dep otyr.
Salyqtan bulaı jaltarǵany úshin 27 jastaǵy fýtbolshy aıyppuldardy, salyqtardyń ózin jáne onyń paıyzdaryn qosa eseptegende, jalpy 11,65 mln eýro tóleýge mindetteldi.
