Fýtbolshy Andreı Arshavın áıeline alıment tólemeý úshin mansabynan bas tartýy yqtımal
ASTANA. QazAqparat - Reseılik "Zenıt" klýbyna fýtbolshy Andreı Arshavınniń jalaqysynyń jartysyna jýyǵyn ustaý týraly sot talaby kelip tústi.
Áńgime shamamen 5 mıllıon rýbl jaıynda bolyp otyr. Aqsha A.Arshavınniń burynǵy azamattyq nekedegi áıeli men onyń balalaryn asyraýǵa jumsalmaq.
Andreı Arshavın men ıÝlııa Baranovskaıa on jyldaı birge turdy; ótken jyly jazda ajyrasqan. «Fontanka.Rý» saıtynyń derekkózderine súıensek, sportshy burynǵy súıiktisine jalaqysynyń jartysyn bergenshe, mansabyn tezirek toqtatýǵa ázir ekendigin aıtqan.
